28 декабря 2016 г.
Хĕрлĕ Чутай шкулĕ 195 çул тултарнине халалланă илемлĕ уявра сумлă хăнасем чылай пулчĕç, вĕсем шкул малашлăхĕ çутă пултăр терĕç, педагогика ĕçченĕсене ăшă сăмахсемпе, парнесемпе саламларĕç. Çавăн пекех тĕрлĕ шайри хисеп хучĕсемпе тав сăмахĕсене çак вĕрентекенсем тивĕçрĕç: директорăн çумĕсем Любовь Кашкирова, Татьяна Альгешкина, хими учителĕ Наталья Мидакова, технологи учителĕ Ирина Захарова, пуçламăш классен вĕрентекенĕсем Галина Гусельщикова, Татьяна Захарова, Александра Романова, Надежда Артемьева, Лилия Ермолаева, Людмила Герасимова, Татьяна Ярабаева, Галина Богатнаева, физика вĕрентекен Эльвира Бродюкова, музыка учителĕ Валентина Грачева, чăваш чĕлхипе литература вĕрентекен Марина Васильева, физкультура учителĕ Галина Мидейкина, биологи учителĕ Елена Орлова, вырăс чĕлхипе литература вĕрентекен Валентина Кудряшова, Алина Магаськина, Наталья Сидорова, истори учителĕ Владимир Кашкиров, Надежда Сятрайкинапа Альбина Романова социаллă педагогсем, истори учителĕ Анна Тихонова, математика вĕрентекен Надежда Тимакова, Эльвира Иванова, Роза Малышева, француз чĕлхине вĕрентекен Валерий Ефимов, акăлчан чĕлхине вĕрентекен Лидия Селянкина, технологи учителĕ Владимир Захаров.
Палăртмалла, Раиса Ильина ди-ректор ертсе пыракан шкул коллективĕ сумлă юбилее питĕ аван хатĕрленнĕ. Уяв программи пуян пулчĕ, концерт номерĕсем те пурне те килĕшрĕç. Уйрăмах учительсен хорĕ сцена çине тухсан пурте тăвăллăн алă çупрĕç. Шкулти фольклор ушкăнĕ те асра юлчĕ. Аслисенчен шкул ачисем те юлмарĕç, хăйсен ташши-юррисемпе савăнтарчĕç. А.КАРПОВА.
Источник: "Пирěн пурнăç"