11 января 2017 г.
2016 çулăн вĕçĕ пире ырă хыпарпа савăнтарчĕ - Пĕтĕм Раççейри "Золотой фонд прессы-2017" конкурсăн пĕтĕмлетĕвĕпе "Пирĕн пурнăç" район хаçачĕ çĕршыври прессăн ылтăн фондне кĕме пултарчĕ. Çавна май эпир кăçал çулталăк тăршшĕпех хамăрăн хаçатăн пĕрремĕш страницинче тата официаллă сайтра "Золотой фонд прессы-2017" паллăна вырнаçтармалли ирĕке çĕнсе илтĕмĕр.
Асăннă проект 2005 çултанпа пурнăçланать, 2010 çултанпа ăна "Журналист" издательство çурчĕ пурнăçласа пырать. Никама пăхăнман Эксперт канашĕ конкурса хутшăннă хаçат-журнала тăхăр критерипе хаклать, çав шутра хаçатăн содержанине тата дизайнне тишкерет. Пухнă балсене кура "Золотой фонд прессы-2017" паллăн виçĕ степеньне парать.
Палăртма кăмăллă, "Пирĕн пурнăç" район хаçачĕ республикăра тухса тăракан тата ултă хаçатпа пĕрле (çав шутра "Советская Чувашия", "Республика", Çĕнĕ Шупашкарти, Вăрнар, Йĕпреç, Етĕрне районĕ-сенчи хаçатсем) асăннă паллăн 2-мĕш степеньне тивĕçрĕ.
Пĕрремĕш степеньлĕ паллăна "Агромаш" тата "Моя Империя" журналсем, виççĕмĕш степеньлине Çĕрпỹ районĕн хаçачĕ тивĕçнĕ.
"Золотой фонд прессы-2017" конкурсăн çĕнтерỹçисене кăçалхи апрель уйăхĕнче Мускавра иртекен "Качественная пресса России и перспективы ее развития" форумра чыслĕç. Редакци.
Источник: "Пирěн пурнăç"