18 января 2017 г.
Иртнĕ эрнере республикăри журналистсем професси уявне - Раççей тата Чăваш пичечĕн кунĕсене - паллă турĕç. Çак ятпа январĕн 14-мĕшĕнче Шупашкарти филармонире пысăк уяв иртрĕ. Журналистсене ЧР Пуçлăхĕ Михаил Игнатьев саламларĕ, наградăсем пачĕ. ЧР информаци политикин министрĕ Александр Иванов иртнĕ çула пĕтĕмлетрĕ, тĕрлĕ конкурс çĕнтерỹçисене чысларĕ. Илемлĕ уява редакци ĕçченĕсем те хутшăнчĕç.
Унччен вара, январĕн 13-мĕшĕнче, район пуçлăхĕ Александр Степанов тата район администрацийĕн пуçлăхĕн çумĕ Алина Ярабаева "Пирĕн пурнăç" район хаçачĕн ĕçченĕсемпе тĕл пулчĕç, нумай çул хушши тухăçлă ĕçлекенсене хисеп хучĕсем парса саламларĕç.
- Районăн социаллă пурнăçĕпе экономика аталанăвне тăтăшах çутатнăшăн редакци коллективĕ, нумай çул хушши тỹрĕ кăмăлпа ĕçленĕшĕн тата Раççей тата Чăваш пичечĕн кунĕсем ячĕпе Анна Васюкова корреспондент район пуçлăхĕн Тав сăмахне тивĕçрĕç.
- Нумай çул хушши тỹрĕ кăмăлпа ĕçленĕшĕн тата Раççей тата Чăваш пичечĕн кунĕсем ячĕпе Галина Ястребова тĕп бухгалтер, Маргарита Чикмейкина тирпейлỹçĕ район администрацийĕн пуçлăхĕн Хисеп грамотине тивĕçрĕç.
Источник: "Пирěн пурнăç"