18 января 2017 г.
Футбол халăх юратнă вăйă шутланать, ахальтен мар футболла ватти те, вĕтти те вылять. Районта иртекен спорт ăмăртăвĕсем хушшинче те футболла выляссине пысăк тимлĕх уйăраççĕ. Иртнĕ çулхи ноябрь уйăхĕнчен пуçласа районта мини-футбол енĕпе чемпионат иртрĕ. Вăйăсенче мала тухас-сишĕн пурĕ арçынсен сакăр команди тупăшрĕ. Çак кунсенче вара чемпионатăн çĕнтерỹçи палăрчĕ, вăл Хĕрлĕ Чутай ял тăрăхне кĕрекен "Чавал" команда, ертỹçи - район пуçлăхĕ Александр Степанов, капитанĕ - Федор Михеев. Асăннă команда ăста выляса пурĕ 21 очко пухрĕ, ыттисене хыçала хăварма пултарчĕ. Кунта команда чысне Ишеккассипе Тумликасси ялĕсенче пурăнакан Александрпа Эдуард Михопаровсем, Леонид Ярадов, Юрий Тимофеев, Николай Сатлайкин, Артем Тимофеев, Геннадий Данилов тата Сергей Ерофеев хỹтĕлерĕç. Çак командăрах Андрей Сидоров, Алексейпа Николай Михайловсем, Сергей Пахинов, Евгений Ильин ăста вылярĕç. Иккĕмĕш вырăна "Орион" команда тухрĕ (ертỹçи - район Пухăвĕн депутачĕ Владимир Григорьев, капитанĕ - Иван Прокопьев), виççĕ-мĕш вырăнта - район больницин "Медик" команди. Чемпионата йĕркелекенсем чи лайăх вратарь Евгений Ильин ("Чавал" команда), чи лайăх бомбардир - Алексей Патьянов ("Нива" команда") пулнине палăртрĕç. Командăсене хаклакан чи лайăх арбитрсем - "Хастар" ФСК тренер-преподавателĕсем Владимир Герасимовпа Юрий Столяров. Çĕнтерỹçĕ-командăсем Кубока тата медальсемпе хисеп хучĕсене тивĕçрĕç.
А.НИКИТИН.
Источник: "Пирěн пурнăç"