Публикации » Курăк пуçтарассипе - малта

20 января 2017 г.

Районти вĕренỹ учрежденийĕсенче ăс пухакан ачасем çулсерен тĕрлĕ сиплĕ эмел курăкĕсем пухса парса республика шайĕнчи конкурссене хутшăнаççĕ. Акă 2016 çулхи апрелĕн 1-мĕшĕнче-октябрĕн 31-мĕшĕнче иртнĕ конкурсăн пĕтĕмлетĕвĕ паллă. Унта республикăри 13 вĕренỹ учрежденийĕ, вăл шутра районти шкулсем те, хутшăнма кăмăл тунă. Призерсен йышĕнче - Мишеркасси тата Хусанушкăнь шкулĕсем. Вĕренекенсем тĕрлĕ эмел курăкĕсем пуçтарса ăна райпо тытăмне кĕрекен хатĕрлев кантурне панă. Çĕнтерỹçĕсене ЧР Вĕренỹпе çамрăксен политикин министерствин, Чăвашпотребсоюз Канашĕн дипломĕсемпе чыслĕç, укçан хавхалантарĕç.

Источник: "Пирěн пурнăç"