27 января 2017 г.
Çулсеренех çак вăхăтра райпора уполномоченнăйсен пухăвĕ иртет. Январĕн 25-мĕшĕнче районти потребительсен обществинче тăрăшакансем 2016 çулхи ĕç-хĕле пĕтĕмлетрĕç, кăçал тумалли ĕçсене палăртрĕç. Райпо Канашĕн председателĕ Александр Степанов докладĕнчен çакă паллă пулчĕ: пĕлтĕр райпо ĕçченĕсем лайăх ĕç ленĕ, пĕтĕмĕшле таварçаврăнăшĕ 318 млн та 582 пин тенкĕпе танлашнă.
Пурте пĕлетпĕр, "Четайское" ТЯО туса кăларакан çăкăра халăх юратсах туянать. Çавăн пекех райпо халăхран сĕт, аш-какай, пахча çимĕç, эмел курăкĕсем тата ыттине те туянать. Тăрăшса ĕçленине пулах Чăвашпотребсоюз ирттерекен республикăри конкурссенче кашни кварталтах пирĕн райпо тытăмĕ малти вырăнсене йышăнать. Чăвашпотребсоюз ертỹçи Валерий Павлов хĕрлĕчутайсен ĕçне ырă хак пачĕ, малалла та халăхшăн тăрăшса ĕçлеме ỹсĕмсем сунчĕ.
Пухура потребкооперацире нумай çул тăрăшса ĕçлекенсем тĕрлĕ наградăсене тивĕçрĕç. Центросоюзăн Хисеп грамотине Вырăсушкăнчи лавкка заведующине Елена Ивановна Парикована парса чысларĕç. "Раççей потребкооперацийĕнче тỹрĕ кăмăлпа ĕçленĕшĕн" паллăна Пухтанкассинчи лавкка заведующийĕ Альбина Александровна Падейкина тивĕçрĕ, "Потребкооперацинче 20 çул хушши тăрăшнăшăн" паллăна - Елена Ивановна Савинкина çĕвĕç. Нумай çул хушши тỹрĕ кăмăлпа тăршнăшăн тата юбилей ячĕпе Чăвашпотребсоюзăн Хисеп грамотине райпо аптекинче тăрăшакан Алевтина Ивановна Яхатина тивĕçрĕ. Çĕнĕ çулхи уявсене хатĕрленнĕ май райпо суту-илỹ çурчĕсене илемлетмелли конкурс ирттернĕ, унăн пĕтĕмлетĕвĕсемпе пĕрремĕш вырăна Мăн Этмен лавкки тухнă, иккĕмĕшне - Мучикассинчи лавкка, виççĕмĕшне - Ишеккассинчи. Çавăн пекех район администрацийĕн пуçлăхĕ Александр Башкиров районта предприятисемпе учрежденисем хушшинче Çĕнĕ çул уявне хатĕрленсе ирттернĕ конкурсăн пĕтĕмлетĕвĕпе паллаштарчĕ, суту-илỹ предприятийĕсем хушшинче çĕнтернĕ Хурашаш лавккине Хисеп хучĕ парса чысларĕ.
А.КАРПОВА.
Источник: "Пирěн пурнăç"