03 февраля 2017 г.
Çак ятпа ирттерет кăçал акци республикăри ачасемпе çамрăксен библиотеки. Акци старта январĕн 31-мĕшĕнче тухнă. Вăл виçĕ тапхăрпа иртет. Унта республикăри библиотекăсем хутшăнаççĕ.
Пĕрремĕш тапхăрта - январĕн 31-мĕшĕнчен пуçласа февралĕн 7-мĕшĕччен - библиотекăсенче "Рунетăн хăрушсăрлăх эрни" акци иртет. Мероприяти вăхăтĕнче ачасем интернет хăрушсăрлăхĕн правилисене вĕренĕç, хăрушлăхсăр сайтсемпе тата порталсемпе паллашĕç.
Иккĕмĕш тапхăрта, вăл сентябрĕн 19-29-мĕшĕсенче иртет, Раççей Интернет кунне халалласа "Интернет-продленка" акци пулать. Çак 10 кун хушшинче çамрăк кĕнеке тусĕсем библиотекăсенче интернет сетьне кĕме çăмăллăх илееççĕ. Юлташĕсене илсе килнĕ ачасене хушма бонус параççĕ.
Виççĕмĕш тапхăрта, октябрĕн 27-мĕшĕнче, "Интернет Ç паллипе" ятпа библиотекăри пĕрлехи урок иртет. Информаципе тĕплĕнрех çак электрон адреспа паллашма пулать: sio1@chuvrdub.ru
А.ВАСЮКОВА.
Источник: "Пирěн пурнăç"