08 февраля 2017 г.
Шăматкун, февралĕн 4-мĕшĕнче, "Хастар" ФСК командин çамрăк ишевçисем Пăрачкавра иртнĕ уçă ăмăртăва хутшăнчĕç, тивĕçлĕ вырăнсем йышăнма пултарчĕç.
11-13 çулхи хĕрачасемпе арçын ачасем хушшинче 100 метрлă дистанцие ирĕклĕ майпа парăнтарса Надя Васюковапа Никита Богаткин виççĕмĕш вырăнсене йышăнчĕç. Пьедестал çумĕнче Таня Ягункинапа Максим Ухтеров пулчĕç.
Настя Капралова, Маша Аливанкина, Константин Юткин тата Артем Трифонов асăннă дистанцире хăйсен рекорчĕсене кăтартрĕç.
Çак ỹсĕмри ушкăнрах 150 метрлă дистанцие парăнтарса Саша Волков иккĕмĕш вырăна тивĕçрĕ. 14-15 çулхи арçын ачасемпе хĕрачасем хушшинче Егор Секайкин виçĕ хутчен пьедесталăн иккĕмĕш картлашки çине тăчĕ. Евгений Ярылкинпа Игорь Князьков та финиша лайăх кăтартусемпе çитрĕç. Лиза Ягодкина вара 50 тата 100 метрлă дистанцие парăнтарса икĕ хутчен виççĕмĕш вырăна тивĕçрĕ.
Турнир вĕçĕнче хутăш эстафета иртрĕ. Пирĕн пĕрлештернĕ тĕп команда - Надя Васюкова, Лиза Ягодкина, Никита Богаткин, Даниил Капитонов тата Егор Секайкин - виççĕмĕш пулчĕ.
Ю.СТОЛЯРОВ, тренер-преподаватель.
Источник: "Пирěн пурнăç"