10 февраля 2017 г.
Информаци кунне ирттерме пирĕн района ЧР культура министрĕн çумĕ Вячеслав Оринов ертсе пыракан ушкăн килсе çитет. Информкун районти кашни ял тăрăхĕнчех 10 сехетре пуçланать. Ял çыннисем унта хутшăнса хăйсене хумхантаракан ыйтусем пама пултараççĕ.
Хальхи информаци кунĕ çак темăпа иртет:
- Чăваш Республикин Пуçлăхĕ Михаил Игнатьев ЧР Патшалăх Канашне янă Çырăвĕ. Çавăн пекех кун йĕркинче çак ыйтусене сỹтсе явĕç:
- кăçалхи февралĕн 1-мĕшĕнчен пенсисене 5,4 процент индексацилесси (РФ Правительствин 2017 çулхи январĕн 19-мĕшĕнчи 36№ Хушăвĕ);
- Раççей Президенчĕн 2016 çулхи январĕн 5-мĕшĕнчи "Раççей Федерацийĕнче Экологи çулталăкне ирттересси" 7№ Указне пурнăçа кĕртесси пирки;
- Чăваш Республикин Пуçлăхĕн 2016 çулхи ноябрĕн 23-мĕшĕнчи "Чăваш Республикинче 2017 çула Амăшĕпе Ашшĕн çулталăкĕ тесе йышăнни пирки" 174 № Указне пурнăçа кĕртесси çинчен.
Источник: "Пирěн пурнăç"