15 февраля 2017 г.
Февралĕн 11-мĕшĕнче пирĕн районта "Раççей йĕлтĕр йĕрĕ - 2017" массăллă чупу иртрĕ. Спорт уявĕ Ишеккасси çывăхĕнчи вăрманта пулчĕ. Йĕлтĕрçĕсен ăмăртăвне халăх йышлă пухăнчĕ, çанталăкĕ те хĕвеллĕ пулчĕ.
Спорт уявне килнисене, спортсменсене ЧР Патшалăх Канашĕн депутачĕ Валерий Павлов, ЧР культура министрĕн çумĕ Вячеслав Оринов, район пуçлăхĕ Александр Степанов тата район администрацийĕн пуçлăхĕ Александр Башкиров саламларĕç, массăллă чупăва хутшăннăшăн тав турĕç.
Хăйсен ỹсĕмĕнче пĕрремĕш вырăна тивĕçнĕ йĕлтĕрçĕсем çаксем: Ева Кутузова (Питĕркасси шкулĕ), Владимир Кондратьев (Хĕрлĕ Чутай), Олеся Корчакова (Çĕн Атикасси), Алексей Кузьмин (Атнар), Анастасия Вашуркина, Му-рат Ильин, Арина Васькина (Çĕн Атикасси), Алексей Дадюков (Хĕрлĕ Чутай шкулĕ), Алена Иванова (Урикасси ялĕ), Константин Савельев (Атнар), Галина Волкова (Калкасси), Владимир Михуткин (Кỹпеш), Римма Вазякова (Ваçкаçырми), Иван Сатлайкин (Штанаш), Людмила Михуткина (Хĕрлĕ Чутай), Валентин Харитонов (Хусанушкăнь ялĕ). Спорт уявĕн чи кĕçĕн участникĕ - "Пилеш" ача садне çỹрекен Александр Ладайкин.
Чи опытлă йĕлтĕрçĕ - Александр Волков (Питĕркасси). "Чи туслă спорт çемйи" номинацире Мучикассинчи Мурайкинсен çемйи çĕнтерчĕ. Çĕнтерỹçĕсемпе призерсем медальсемпе парнесене тивĕçрĕç.
А.АЛЕКСЕЕВА.
Источник: "Пирěн пурнăç"