17 февраля 2017 г.
Кăçал Чăваш Наци телевиденийĕ пилĕк çул тултарчĕ. Çак хушăра унăн кăларăмĕсене республикăра пурăнакансем юратса пăхни паллă, анчах та - пур районта та мар. Республика Пуçлăхĕн Михаил Игнатьевăн хушăвĕпе пĕлтĕр Наци телевиденийĕн передачисене спутник урлă кăтартассипе ĕçлеме пуçланă. Çавăнпа та халĕ çирĕплетсех калама пулать - çитес вăхăтра, мартăн 8-мĕшĕнчен тытăнса, чăваш телевиденийĕн передачисене "Триколор-ТВ" урлă курма пулĕ.
Паянхи кун республикăра "Триколор-ТВ" операто-рăн 150 пине яхăн абонент шутланать. Малашне вĕсен шучĕ татах ỹсессе шанаççĕ - историре пĕрремĕш хут спутник урлă чăвашла передачăсем курма пулать-çке. Палăртмалла, республика тулашĕнче пурăнакан ентешсем те халĕ тăван чĕлхепе тухакан передачăсене курма пултарĕç. Çавăнпа Наци телевиденийĕ ытти регионсенче пурăнакан чăвашсен пурнăçĕ пирки калакан çĕнĕ проектсем хатĕрлет.
А.ТИМОФЕЕВА.
Источник: "Пирěн пурнăç"