10 марта 2017 г.
Атнарти тата Мăн Этменти пĕтĕмĕшле пĕлỹ паракан вăтам шкулсенче вĕренекенсен "Айхол" тата "Шанчăк" командисем "Ростки возрождения" республикăри вăйă-конкурса хутшăнса палăрма пултарнă.
Мăнэтменсен "Шанчăк" команди Татьяна Горбунова ертсе пынипе "Раççей халăхĕсен йăли-йĕрки" конкурсра çĕнтернĕ.
Атнарсен "Айхол" команди (ертсе пыраканĕсем - Сергей Кудряшов, Людмила Ешмейкина, Геннадий Орлов) вара "Йăласен чĕрĕ çиппи" конкурсра виççĕмĕш вырăн йышăннă, çавăн пекех вĕсем "Ростки возрождения" вăйă-конкурсăн тапхăрĕсенче пухăннă балсемпе виççĕмĕш вырăна тухнă, конкурс парнине тивĕçнĕ.
Унсăр пуçне алĕçĕсен конкурсĕнче Атнарти вăтам шкулта вĕренекен Иван Чумаков иккĕмĕш вырăн йышăнма пултарнă.
А.ЗАМУТКИНА.
Источник: "Пирěн пурнăç"