Публикации » Укçа сахал хывнă-ха

15 марта 2017 г.

Республикăра "Ачалăх ячĕпе, ачалăхшăн" ыркăмăллăх марафонĕ малалла пырать. Аса илтеретпĕр, ăна инвалид тата тăлăх, ашшĕ-амăш хỹттисĕр юлнă ачасене медицина пулăшăвĕ пама, ачалăха хỹтĕлекен ыркăмăллăх программисене пурнăçа кĕртме, çамрăк талантсене укçан пулăшма укçа-тенкĕ пухас тĕллевпе йĕркелеççĕ. Хĕрлĕчутайсем те çулсерен çак ырă ĕçрен аякра юлмаççĕ, мара-фона хăйсен тỹпине хываççĕ. Мартăн 13-мĕшĕ тĕлне хĕрлĕчутайсенчен марафон пухмачне 20 пин те 291 тенкĕ те 20 пус куçнă. Пĕлтĕр хĕрлĕчутайсем марафона пурĕ 171 пин те 192 тенкĕ те 40 пус хывнăччĕ. Н.ИВАНОВА.

Источник: "Пирěн пурнăç"