15 марта 2017 г.
Раççей Федерацийĕн наркотике хирĕçле политикин патшалăх Стратегине пурнăçламалли мероприятисен планĕпе килĕшỹллĕн кăçалхи мартăн 13-24-мĕшĕсенче наркотика хирĕç "Вилĕмпе ăçта сутă тунине пĕлтер" Пĕтĕм Раççейри акци иртет. Ăна наркотиксен саккунсăр çаврăнăшне хирĕç кĕрешес тата медицина тĕллевĕсĕр усă курассин профилактикине ирттерес ĕçе общественноçа явăçтарас, çавăн пекех наркотиксене саккунсăр сарас ĕçе хутшăнакансем пирки хушма информаци тупас тĕллевпе йĕркелеççĕ.
Кунсăр пуçне акци вăхăтĕнче наркотик авăрне çакланнă çынсене реабилитацилес тата сыватас ыйтусемпе специалистсем пулăшма тата консультаци пама пултарĕç. Çавна май эпир "шанăç телефонĕ" - 2-17-92 - туса хутăмăр. Вăл кунсерен ирхи 8 сехетрен тытăнса 20 сехетчен ĕçлет. Унпа хуть те мĕнле ыйтупа шăнкăравлама, консультаци илме пулать. Наркотикпа усă куракан тата ăна саракан çынсем пирки сведенисем парсан питĕ лайăх пулмалла. Анонимлăх пуласса шантаратпăр.
Василий БЕЛОВ, районти полици уйрăмĕн начальник çумĕ.
Источник: "Пирěн пурнăç"