24 марта 2017 г.
Туберкулез - чи анлă сарăлнă инфекци чирĕсенчен пĕри. Çулсерен ку чирпе 130 пине яхăн çын чирлет. Пирĕн районта та ку чир аталанни сисĕнет. 2016 çулта туберкулезпа чирлекен 23 çынна тупса палăртнă (çав шутра пĕр ача пулнă), 2015 ç. - 19, 2014 ç. - 20.
Çакна та палăртмалла, ку чир ытларах темиçе çул хушши флюорографи тăман çынсем хушшинче тупăнать. Чир паллисем - чылай вăхăт тăсăлакан ỹслĕк, юнлă сурни, кăкăр ыратни, вăйсăрлăх, кĕлетке температури ỹсни, каçпа тарлани. Çак чире халăхра сарас мар, хамăра ертес мар тесен темиçе çул флюорографи тăманнисене тата чирлисене тупса палăртмалла, вĕсене чиртен сывалма пулăшмала. Туберкулезран сывалма пулать. Çакна валли тухтăр сăнаса тăнипе сиплев курсĕ витĕр тухмалла.
Э.ЕРЕМЕЕВА, Çĕмĕрлери гигиенăпа эпидемиологи центрĕн районти санитари врачĕн пулăшуçи.
Источник: "Пирěн пурнăç"