29 марта 2017 г.
Мартăн 25-мĕшĕнче Шупашкарти Наци библиотекине Таврапĕлỹçĕсен кунне халалласа республикăри тавратĕпчевçĕсем, вăл шутра хĕрлĕчутайсем те, пухăннă. Тĕпрен илсен, вĕсем икĕ тĕп ыйтăва тишкернĕ: "Чемен карти" таврапĕлỹпе туризм центрĕнчи ĕçсемпе паллашасси тата чăваш халăхĕн календарьне хатĕрлесси. Пĕрремĕш ыйтупа таврапĕлỹçĕсен ертỹçи Сергей Сорокин тухса калаçнă. Паянхи кун тĕлне мĕнле ĕçсене пурнăçланине, мĕн тума палăртнине тишкернĕ. Сăмахран, "Чемен картинче" çывăх вăхăтра музей хăйĕн алăкне уçмалла иккен. Сергей Лазаревич музея пулăшма ыйтнă - авалхи почта ĕçне çутатакан япаласем сахаллине пĕлтернĕ. Чăваш халăх календарьне тăвассине те сỹтсе явнă. Сăмахран, Виталий Петрович Станьял календарь мĕнлерех пулмалли çинчен хăйĕн шухăшне пĕлтернĕ. Ун пек кĕнеке кашнин килĕнче сĕтел çинче выртмаллине палăртнă.
Пухура таврапĕлỹçĕсен ĕç-хĕлĕнче тăрăшса ĕçлекенсене, уйрăмах юлашки çулсенче хĕрлĕчутайсен активлăхне палăртнă. Районти таврапĕлỹçĕсенчен Валерий Романова, Николай Полозина, Галина Зотована, Лев Медведева, Александр Трофимова Дипломсем парса чысланă.
А.ЗАМУТКИНА.
Источник: "Пирěн пурнăç"