31 марта 2017 г.
Çак кунсенче Чăвашпотребсоюзăн Канашĕ республикăри потребительсен кооперацийĕн предприятийĕсемпе организацийĕсем хушшинчи 2016 çулхи экономика ăмăртăвĕн çĕнтерỹçисене палăртнă. Калас пулать, Хĕрлĕ Чутай райповĕ чылай енĕпе çĕнтерỹçĕ шутне кĕнĕ, обществăлла апатлану, хатĕрлев тата производство ĕç-хĕлне аталантарассипе виççĕмĕш вырăн йышăннă. Çавăн пекех вăл сĕт пухас енĕпе, кондитер изделийĕсем тăвассипе виççĕмĕш, пахча çимĕç пухассипе, алкогольсĕр сĕткенсем тата çăкăр кăларассипе пĕрремĕш вырăнсем йышăннă, Диплома тивĕçнĕ.
Источник: "Пирěн пурнăç"