05 апреля 2017 г.
Апрелĕн 1-мĕшĕнче Шупашкарти Петĕр Хусанкай ячĕллĕ Культура керменĕнче "Хĕрарăмсен вĕçĕ-хĕррисĕр пултарулăхĕ - 2017" курав иртнĕ. Проект авторĕ тата курава йĕркелекенĕ Елена Светлая пĕлтернĕ тăрăх, иртекен конкурса хутшăнакансен йышĕ çулран-çул ỹссе пырать. Унта кăçал та 60 ытла хĕрарăм хутшăнса хăйсен пултарулăхне халăх патне çитерме кăмăл тунă. Конкурса йĕркелекенсем финал валли 26 чи маттур çыннăн ĕçĕсене суйласа илсе курав йĕркеленĕ.
Çак йышра пирĕн район хĕрарăмĕсем те пулнă. Вĕсем - Штанашри Галина Зотова çыравçă тата Серенкассинчи Нина Вазинкина тĕрĕ ăсти. Вĕсен ĕçĕсене куракансем питĕ килĕштернĕ, лайăх хак панă. Пирĕн ентешсем, ыттисем пекех, Диплома тата сывлăха çирĕплетмелли клуба каймашкăн сертификата тивĕçнĕ.
А.ДМИТРИЕВА.
Источник: "Пирěн пурнăç"