07 апреля 2017 г.
Çулсерен Шупашкарта радиоуправлени моделĕсен республикăри фестивалĕ иртет. Ăна спортăн техника тĕсĕсем патне интерес ỹстерес, ачасен канăвне йĕркелессине лайăхлатас тĕллевпе ирттереççĕ. Йăлана кĕнĕ мероприятие кăçал республикăри хуласемпе районсенчен 10 команда хутшăнчĕ, вăл шутра хĕрлĕчутайсем те. Ăмăртусем тĕрлĕ ỹсĕмри ушкăнсенче иртрĕç. Унăн пĕтĕмлетĕвĕпе Ачасен пултарулăх çурчĕн вĕренекенĕ Никита Алежейкин (ертỹçи - Сергей Марков) хупă пỹлĕмсем валли авиаци моделĕсен конкурсĕнче виççĕмĕш вырăна тивĕçрĕ. Палăртмалла, Никита Алежейкин асăннă конкурса çулсерен хутшăнать. Вăл пĕлтĕр те команда зачечĕнче иккĕмĕш вырăн çĕнсе илнĕччĕ.
В.КОРАКОВА, Ачасен пултарулăх çурчĕн директорĕ.
Источник: "Пирěн пурнăç"