12 апреля 2017 г.
Çулсеренех эпир çулталăк пуçлансан ял тăрăхĕсенче пултарулăх ушкăнĕсен смотр-отчетне ирттеретпĕр. Унтан вара чи лайăх номерсене пухса гала-концерт йĕркелетпĕр. Кăçал халăх пултарулăх ушкăнĕсен чи лайăх номерĕсене апрелĕн 12-мĕшĕнче районти Культура çуртĕнче курма пулĕ. Апрелĕн 18-мĕшĕнче вара ачасемпе çамрăксен пултарулăхне курса савăнăпăр. Гала-концертсем 18 сехетре пуçланаççĕ. Аса илтеретĕп, кăçалхи концертсене Экологи тата Амăшĕпе Ашшĕн çулталăкĕсене, районпа Хĕрлĕ Чутай салин юбилейĕсене халаллатпăр.
Александр САМСОНОВ, райадминистрацин культура, туризм тата архив ĕçĕн пай начальникĕ.
Источник: "Пирěн пурнăç"