12 апреля 2017 г.
Çуркунне çитсен юр кайса пынăçемĕн куç умне симĕс курăкпа пĕрлех тасамарлăх та тухать. Чуна ыраттаракан тирпейсĕрлĕх хуçаланать паянхи кун район центрĕнче. Тротуар хĕррипе мĕн кăна сапаланса выртмасть пуль! Хĕл каçа хамăрах пăрахса хăварнă ĕнтĕ çак ăпăр-тапăра, апла пулсан халĕ хамăрăнах пуçтармалла. Р
айон территорийĕнче тирпей-илем кĕртес тĕллевпе райадминистраци пуçлăхĕн Александр Башкировăн кăçалхи март уйăхĕнчи йышăнăвĕпе апрелĕн 11-мĕшĕнчен пуçласа майăн 31-мĕшĕччен экологи икуйăхлăхне ирттерме палăртнă. Çак хушăра хамăр пурăнакан вырăна, ял çăвисене тасатса тирпейлемелле. Акци вăхăтĕнче ирттерме палăртнă чи пĕрремĕш субботник апрелĕн 14-мĕшĕнче пулĕ. Пурте харăс урама тухса çỹп-çап пуçтарсан çеç таврара тасалăхпа илемлĕх хуçаланĕ.
Источник: "Пирěн пурнăç"