19 апреля 2017 г.
Çĕр ĕçченĕсем çурхи уй-хир ĕçĕсене пахалăхлă тата вăхăтра туса юлма тăрăшаççĕ. Халĕ районта кĕрхи культурăсене апатлантарас ĕç пырать. "Коминтерн" ЯХПК уй-хирĕнче те ĕç шавĕ тăрать. Унта минераллă удобрени сапакан "Туман-1" тĕлĕнмелле техника ĕçлет. Унпа, çăмăл урапаллăскерпе, ытти техника кĕреймен уя çитсе удобрени сапма меллĕ, вăл çĕре те йывăр кỹмест. Асăннă техникăна Вăрнар районĕнчи пĕр хуçалăхран тара илнĕ. Унпа ĕçлекенни - çав район çынни Илья Петров. Кĕрхисене апатлантарассипе хуçалăхра икĕ техника тата туслă коллектив ĕçлет. Вĕсен пĕтĕмпе 751 гектар çинче кĕрхи культурăсене апатлантармалла.
Çỹлерех асăннă агрегатпа "Нива" ЯХПК-ра, "Свобода" колхозра калчасене апатлантарасшăн. 2016 çулта та асăннă хуçалăхсем çак "Туман-1" техникăпа ĕçленĕччĕ, çавăнпа та вĕсен пĕлтĕрхи ĕç кăтартăвĕ те пысăкчĕ. Минераллă удобрение вара районти пур хуçалăх та çителĕклĕ янтласа хунă.
Владимир ХРАМОВ, район администрацийĕн ялхуçалăх пайĕн начальникĕ.
Источник: "Пирěн пурнăç"