19 апреля 2017 г.
2016 çулхи декабрĕн 2-мĕшĕнче район территорийĕнчи вăрман хĕрринче, газ пăрăхĕсен çулĕн дамби çинче, патшалăхăн сунар асăрхавĕн инспекторĕ автомобиле чарнă, водителĕн тата пассажирсен сунара тухма тата сунарçăсен пăшалĕсене илсе çỹреме ирĕк пуррине тĕрĕслеме шутланă.
Анчах та автомобильри пассажир салонтан тухса инспектора форма тумĕнчен çатăрласа тытнă, çĕр çине ỹкернĕ, темиçе хут кăкăр тĕлĕнчен аллипе çапнă. Çапах та ирсĕрле хăтланакана чарма май килнĕ. Çак ĕçе следовательсем тишкерсе тухнă, уголовлă ĕçĕн айăплав пĕтĕмлетĕвне тунă хыççăн суда ярса панă. Çапла 43 çулхи район çынни РФ УК-ан 318-мĕш статйин пĕрремĕш пайĕпе (власть представительне пусахланăшăн) айăпланать.
Источник: "Пирěн пурнăç"