Публикации » Юбилей тĕлне чиркỹ çĕнелĕ

19 апреля 2017 г.

Хĕрлĕ Чутайри Турă Хĕресне Çĕкленĕ храма çỹрекенсем асăрханă ĕнтĕ - юлашки çулсенче кунта юсав ĕçĕсем сахал мар пулса пыраççĕ. Иртнĕ çулсенче чиркỹ территорийĕнчи çуртсен тăррисене те тимĕрпе витрĕç, кантăкĕсене улăштарчĕç тата ытти те.

Кăçал районти тĕп храмшăн - паллă çул. Вăл 215 çул тултарать. Çакна шута илсе юбилей тĕлне храмра пысăк калăпăшлă реставраци ĕçĕсем туса ирттернĕ. Халĕ унта кĕрсессĕнех çĕнĕ урай куç умне ỹкет. Çĕнĕ сăн кĕртнĕ храмра Мăнкун уявне кĕтсе илме те кăмăллă пулчĕ. Çитес вăхăтра храмăн тĕп алăкĕ умĕнчи площадкăна çĕнĕ йышши строительство материалĕсемпе сарма палăртнă.

А.ЗАМУТКИНА.

Источник: "Пирěн пурнăç"