21 апреля 2017 г.
Çак сăнỹкерчĕкре эпир Тумликасси ялĕнче пурăннă, тĕрлĕ çулсенче районти шкулсенче физкультура учителĕнче тăрăшнă Владислав Иванович Мерескина куратпăр. Ачасене спорта хăнăхтарнипе пĕрлех вăл хăй те спортпа туслăччĕ.
1977 çултан пуçласа 1988 çулччен Владислав Мерескин "Чавал" уçланкăра иртекен Ĕçпе юрă тата спорт уявĕнче ирĕклĕ майпа кĕрешес енĕпе район чемпионĕ пулнă, яланах така выляса илнĕ. Унсăр пуçне Владислав Иванович дзюдо енĕпе спорт мастерĕн кандидачĕн ятне тивĕçнĕ. Апла пулсан районти спорт аталанăвĕнче унăн тỹпи те пур.
Шел пулин те, пĕлтĕрхи декабрь уйăхĕнче Владислав Мерескин пурнăçран уйрăлса кайрĕ. Пурăннă пулсан вăл паян 59 çул тултаратчĕ...
А.КАРПОВА.
Источник: "Пирěн пурнăç"