Публикации » 800 пин тенкĕ вăрланă

28 апреля 2017 г.

Суд тенкелĕ çине Кив Атикасси ял тăрăхĕн 36 çулхи депутачĕ ларĕ. Хĕрарăма РФ Уголовлă кодексĕн 159 статйин 3-мĕш пайĕпе (пысăк суммăлăх улталанăшăн) айăплаççĕ. Следстви версийĕпе айăпланакан 2014 çулхи декабрь уйăхĕнчен пуçласа 2016 çулхи ноябрьччен Çĕн Атикассинчи граждансен потребитель кооперативĕн кассирĕ пулнă май кассăри укçана хăйĕн кĕсйине чикнĕ е 18 граждана заем панă пек тунă. Лешсем вара вăл укçана куçпа та курман. Тата вăл сăлтавсăрах кассăран укçа илсе тăнă-мĕн. Хĕрарăм çак преступленисене тунине туртса илнĕ документсем те çирĕплетеççĕ. 20 ытла свидетель каласа пани те вăл айăплине ĕнентерет.

ЧР Следстви комитечĕн пресс-служби.

Источник: "Пирěн пурнăç"