17 мая 2017 г.
Майăн 11-мĕшĕнче районти "Хастар" физкультурăпа спорт комплексĕнче салтак çулне çитмен çамрăксен Спартакиади иртнĕ. Ăна уçнă çĕре ЧР физкультурăпа спорт министрĕ Сергей Шелтуков, район администрацийĕн пуçлăхĕ Александр Башкиров, Раççей ДОСААФ-ĕн регионти уйрăмĕн председателĕн çумĕ Сергей Воробьев, Етĕрне тата Хĕрлĕ Чутай районĕсен çар комиссариачĕн ертỹçи Александр Прокопьев хутшăннă, çамрăк армеецсене ăмăртусенче ăнăçу суннă.
Çавăн пекех Сергей Шелтуков "Хастар" физкультурăпа спорт комплексĕн тренерне Владимир Элеменкина физкультурăпа спорта аталантарас ĕçе пысăк тỹпе хывнăшăн Раççей Спорт министерствин Тав сăмахĕпе наградăланă. Палăртмалла, Владимир Федорович районти ачасемпе çамрăксен спорт шкулĕнче 1981 çултанпа вăй хурать, çамрăк ăрăва йĕлтĕрпе чупма хăнăхтарать.
Источник: "Пирěн пурнăç"