19 мая 2017 г.
Çак кунсенче пирĕн район каччисем салтака кайма тытăнчĕç. Çавна май халĕ ялсенче тăтăшах салтак юррисем илтĕнеççĕ. Майăн 16-мĕшĕнче çурхи призывпа пĕрремĕш тăхăр каччă: Атнарти Алексей Амбрашкинпа Александр Ярасов, Ваçкаçырминчи Сергей Маклашкин, Шулюри Вадим Розовпа Александр Русских, Хăмарккари Иван Селиванов, Хватукассинчи Николай Романов, Хĕрлĕ Чутайри Стас Федотов, Мăн Этменти Константин Челейкин (сăнỹ-керчĕкре çук) - Тăван çĕршыв умĕнчи тивĕçне пурнăçлама тухса кайрĕ. Вĕсене ашшĕ-амăшĕ, тăванĕсем пил парса ăсатрĕç.
Майăн 18-мĕшĕнче вара тата виçĕ каччă - Мишеркассинчи Александр Макаров, Тумликассинчи Алексей Семгайкин, Çĕн Атикассинчи Дмитрий Савельев - Тăван çĕршыва хỹтĕлеме тухса кайрĕ. Сăмах май, çурхи призывпа районти вăтăр ытла яшăн салтак атти тăхăнмалла. Салтака каясси районта июлĕн 2-мĕшĕчченех пырĕ.
А.КАРПОВА.
Источник: "Пирěн пурнăç"