Публикации » Умра - яваплă тапхăр, пурнăçăн анлă çулĕ

24 мая 2017 г.

Паян районти шкулсенче юлашки шăнкăрав янăрать. Кăçал шкулпа 11-мĕш класран вĕренсе тухакан 56 çамрăк тата 9-мĕш класри 148 ача сывпуллашĕ. Ĕнерхи вĕренекенсем паян пурнăçăн анлă çулĕ çине тухаççĕ. Хыçалта - ачалăх, шкул çулĕсем, умра - экзаменсене ăнăçлă тытасси, професси суйласси. Тăххăрмĕшсен пĕрремĕш экзамен майăн 26-мĕшĕнче пулать (акăлчан тата чăваш чĕлхисем), 11-мĕшсен - майăн 29-мĕшĕнче (географи). Пурин те тытмалли патшалăх экзаменĕ вара вунпĕрмĕшсен майăн 31-мĕшĕнче пулĕ - математикăпа, тĕп шайри (алла аттестат илме кирли). Выпускниксене ăнăçу сунатпăр!

А.КАРПОВА.

Источник: "Пирěн пурнăç"