31 мая 2017 г.
Çулталăк пуçланнăранпа республикăра спиртлă шĕвеке пула 74 çыннăн кун-çулĕ вăхăтсăр татăлнă. Роспотребнадзорăн Чăваш Республикинчи управленийĕ пĕлтернĕ тăрăх, пĕтĕмпе асăннă тапхăрта спиртлă продукципе 305 çын наркăмăшланнине регистрациленĕ. 2016 çулта çак тапхăрта 453 тĕслĕх пулнă, вĕсенчен 96-шĕ вилĕмпе вĕçленнĕ. 2015 çулта (асăннă тапхăрта) 492 çын спиртлă шĕвеке пула наркăмăшланнă, вĕсенчен 128-шĕ вилнĕ. Роспотребнадзорăн Чăваш Республикинчи управленийĕ спиртлă шĕвексене саккунсăр сутнă тĕслĕхсене асăрхасан пĕлтерме ыйтать. Çак тĕллевпе "Вĕри лини" ĕçлет. Шăнкăравсене кашни кунах, шăматкунпа вырсарникунсăр пуçне, 9 сехетрен пуçласа 16 сехетчен çак телефон номерĕсемпе йышăнаççĕ: 58-53-11, 58-25-95, 58-17-19.
Источник: "Пирěн пурнăç"