16 апреля 2008 г.
Районти шалти ĕçсен пайĕ çумĕнчи следстви уйрăмĕ районти Хусанушкăнь ялĕнче пулса иртнĕ çĕçĕпе чикнĕ тĕслĕх пирки пуçарнă уголовнăй ĕçе тĕпченĕ.
Маларах судпа айăпланнă Н. тĕрĕс çул çине тăма васкаман иккен, кирлĕ пĕтĕмлетÿсем туман, каллех çын сывлăхне сиен кÿрсе йĕркене пăснă. Н. кăçалхи февралĕн 10-мĕшĕнче Хусанушкăнь ялĕнче пурăнакан О. патĕнче пулнă. Н. пĕрле пурăнакан Н.-па пĕр-пĕрне курайманнипе хирĕçсе кайнă, юри унăн сывлăхне сиен кÿрес тесе туристсен хуçланакан çĕççипе хырăмран чикнĕ.
Çапла майпа Н. Н.-а çĕçĕпе чиксе унăн çÿхе пыршине амантнă, çакă çыннăн сывлăхне пысăк сиен кÿнипе танлашать. Н. саккуна пăснăшăн РФ Уголовнăй кодексĕн 111-мĕш статйин 1-мĕш пайĕпе айăпланать.
Преступлени тунă Н. хăйĕн айăпне йышăннă, унăн ĕçне суда ярса панă.