Публикации » Андрей Воробьев – лайăххисен шутĕнче

19 апреля 2008 г.

Апрелĕн 12-мĕшĕнче Космонавтика кунĕ пулчĕ. Çак ятпа республикăра çамрăк космонавтсен слечĕ иртнĕ. Пирĕн районтан çак мероприятие Ачасемпе çамрăксен пултарулăх çуртне çÿрекен Андрей Воробьевпа Андрей Апалеев тата Григорий Осипов çамрăксем хутшăннă.

Малтанах çамрăксем Шуршăлти А.Г.Николаев космонавтăн часавайĕнче пулса курнă, унтан Шупашкар хулинчи 12 " шкулта мероприятин савăнăçлă пайĕ иртнĕ. Андрей Воробьев ракета тата космос карапĕсен макечĕсене ăсталас енĕпе республикăра 1-мĕш вырăн йышăнма пултарнă. Çак ятпа ăна Вĕрентÿ министерстви кубокпа Диплом парса наградăланă. Çавăн пекех Андрейăн сăн ÿкерчĕкĕ Шупашкар хулин Ачасемпе çамрăксен пултарулăх çурчĕн Хисеп хăми çинче çакăнса тăрать.