23 апреля 2008 г.
Канмалли кунсенче Питĕркасси ял тăрăхне кĕрекен Кÿпеш тата Хурапыр ялĕсенче пурăнакансем масара тирпей-илем кĕртме тухрĕç. Ял çыннисем çак ĕçе кашни çуркуннех активлă хутшăннине палăртмалла. Акă, кăçал та вĕсем мăн асаттесемпе мăн асаннесем ĕмĕрлĕхех канлĕх тупнă вырăна йышлăн пухăнчĕç, яра кун пĕлтĕрхи хыт хурана, çамрăк йывăç хунавĕсене тасатрĕç, çÿп-çапа çунтарчĕç.
Çынсем никам хушмасăр, хăйсем хушшинче калаçса татăлса ĕçлеме тухни савăнтарать.