Публикации » Республикăри ăмăртусенче

23 апреля 2008 г.

Çуран чупма юратакансен сезон уçăлчĕ темелле. Ăмăрту хыççăн ăмăрту иртет. Апрелĕн 19-мĕшĕнче районти çăмăл атлетсем республикăри тупăшăва хутшăннă. Район чысне 15 спортсмен хÿтĕленĕ. Шупашкарти Олимп резервĕн шкулĕнче вĕренекенсем Мария Петровапа (Пухтанкасси) Марина Пандакова (Çĕн Атикасси) 2000 метрлă дистанцире иккĕмĕшпе виççĕмĕш вырăнсене çĕнсе илнĕ. Спорт шкулĕн тренерĕ Людмила Михуткина спорт ветеранĕсем хушшинчи тупăшура 2 километр чупса иккĕмĕш вырăна тивĕçнĕ. Ыттисен кăтартăвĕсем пĕчĕкрех пулнă.

Çавăн пекех апрелĕн 19-мĕшĕнче спорт шкулĕн тренерĕ Ю. Бронюков ертсе пыракан ушкăн штанга йăтса тĕрлĕ хусканусем тăвас енĕпе республикăра иртнĕ кĕрешĕве хутшăннă. Асăннă спортра виçĕ енлĕн тупăшса Хĕрлĕ Чутай шкулĕн 11-мĕш класĕнче вĕренекенсем Дмитрий Владимировпа Андрей Мареев хăйсен ушкăнĕнче пĕрремĕш вырăн çĕнсе илнĕ.