26 апреля 2008 г.
Çĕн Атикасси шкулĕнче вĕренекенсем спорт енĕпе çитĕнÿ хыççăн çитĕнÿ туса пыраççĕ. Шахматла выляссипе те вĕсем республикăра палăрчĕç. Акă, çак кунсенче кунти спортсменсем шашкăлла выляссипе республикăри финалти ăмăртуран виççĕмĕш вырăн çĕнсе илсе таврăннă. Хĕрсен ушкăнĕнче К.Ефимова пурне те парăнтарса пĕрремĕш вырăна тивĕçнĕ. И.Парикова, А.Петрейкин, А.Майоров, С.Семенов шашистсем те район чысне тивĕçлĕ хÿтĕленĕ. Команда зачетĕнче вара хĕрлĕчутайсем виççĕмĕш вырăна тухма пултарнă.
Палăртмалла, çак команда кăçал шахматла выляссипе те республикăра пĕрремĕш пулчĕ. Ачасен спорт ăсталăхне ÿстерсе пырас ĕçре шкулти физкультура учителĕн С.Петрейкинан тата спорт шкулĕн тренерĕн А.Туймановăн тÿпи пысăк.