Публикации » Л.Петрова – республикăра иккĕмĕш

30 апреля 2008 г.

Çак кунсенче республикăра çамрăк çыравçăсен «Букварьтен – илемлĕ литературăна» конкурсăн иккĕмĕш турĕ иртнĕ. Ăна чăваш халăхне çутта кăларнă И.Я.Яковлева халалланă. Унта илемлĕ сăмаха туякан чи пултаруллă çамрăк авторсем хутшăннă. Çав йышра Çĕн Атикасси шкулĕнче 11-мĕш класра ăс пухакан Лариса Петрова та пур.

Ларисăн пултарулăхĕпе пирĕн вулакансем паллашма ĕлкĕрнĕ те ĕнтĕ. Сăвă шăрçалама ăста вăл. Асăннă конкурса вăл 7-мĕш класран пуçласа хутшăнать. Маттур пике кăçалхи конкурсра иккĕмĕш вырăна тивĕçнĕ. Ытти çулсенче те вăл хăйĕн философилле сăввисемпе малти вырăнсене тухнă.

Маттур, Лариса!