30 апреля 2008 г.
Нумаях пулмасть чăваш чĕлхипе литература кабинечĕсен республикăри смотр-конкурсĕн районти тапхăрĕ иртнĕ.
Ку конкурса чăваш чĕлхипе литературине вĕрентессине лайăхлатас, паянхи кун ыйтнипе килĕшсе тăракан, пĕлÿ шайне ÿстерме пулăшакан вĕрентÿ кабинечĕсене йĕркелес ĕçри паха опытпа паллаштарас тĕллевпе йĕркеленĕ. Конкурсăн районти тапхăрне 11 вăтам тата тĕп шкул хутшăннă. Атнарти, Питĕркассинчи, Тралькассинчи, Хусанушкăнчи чăваш чĕлхипе литература кабинечĕсем тивĕçлĕ виçепе килĕшсе тăнине палăртнă. Кунти шкулсенче тăван чĕлхене вĕрентекенсем хăйсен ĕçĕнче вĕрентÿри çĕнĕ йышши технологисемпе усă кураççĕ, проектсем тăвассипе те, портфолио, кабинетсен паспорчĕсене йĕркелессипе те ĕçлеççĕ.
Конкурсăн районти тапхăрĕнче çĕнтернĕ Атнарти вăтам шкулăн чăваш чĕлхипе литература кабинечĕн материалĕсене республика шайĕнче иртекен смотр-конкурса ярса панă.