14 мая 2008 г.
Йăлана кĕнĕ йĕркепе районта çулсеренех «Призывниксен кунне» ирттереççĕ. Кăçал ăна майăн 5-мĕшĕнче йĕркелерĕç. Уява çара каякан яшсем , сумлă хăнасем пухăннă. Çара каякан каччăсене район пуçлăхĕн çумĕ Т.Шереметьева, Етĕрне тата Хĕрлĕ Чутай районĕсенчи çар ĕç комиссарĕ А.Фокин, Хĕрлĕ Чутай ял тăрăхĕн пуçлăхĕ В.Романов уяв ячĕпе саламласа сывлăх, ăнăçу суннă.
Майăн 12-мĕшĕнче пĕрремĕш призывпа районти ултă çамрăк çар ретне тăма тăванĕсемпе сыв пуллашрĕç. Иккĕмĕш призывпа, ĕнер, майăн 13– мĕшĕнче, виççĕн тухса кайрĕç.
Яшсене ăнăçу сунар. Пирĕн районта çуралса ÿснĕ çамрăксем халиччен ырă ятпа çеç палăрса тăнă. Малашне те çапла пуласса шанас килет.