14 мая 2008 г.
“Березка” ресторанта пуян опыт пухнă поварсем вăй хураççĕ. Вĕсем тутлă та техĕмлĕ апат пĕçерес ăсталăхпа палăрса ырă ята тивĕçнĕ. Кунта апатланакансем пултаруллă поварсен ячĕпе тав сăмахĕсем çырни те чылай.
Юлашки çулсенче ресторан çурчĕн сăн-сăпачĕ палăрмаллах çĕ¬нелсе улшăнчĕ. Хăтлă та илемлĕ çурта çынсем апатланма кăмăлпах çÿреççĕ.
Ресторанти аслă повар тивĕçĕсене З.И.Кондакова пурнăçласа пырать. Вăл пĕлтернĕ тăрăх, кунта туса кăларакан продукци ассортименчĕ пуян. Шурă çăкăр, кукăль-булкăсем тата ытти изделисене вырăнтах пĕçереççĕ. С.П.Максюткина повар-кондитер ку ĕçре ăсталăх кăтартать. Сăмах май, Светлана Петровна чуста таврашĕпе пĕр çул çеç ĕçлет-ха, апла пулин те вăл пĕçернĕ çемçе те техĕмлĕ кукăльсене халăх кăмăлпа туянать. Çак ĕçре ăна кунта пысăк опыт пухнă поварсем пулăшса пы¬раççĕ.
Çапла, ресторанта туса кăларнă продукципе вырăнта та анлă усă кураççĕ, юнашар вырнаçнă “Волна” кафене те, “Хлебный”, “Рыбный” лавккасене те, 2-мĕш номерлĕ гастронома та тивĕçтереççĕ. Акă, “Волна” кафе сутуçинчен Н.П.Гавриловаран кунта туса хатĕрленĕ продукци пахалăхĕ пирки ыйтса пĕлтĕмĕр.
– Халăх кафене йышлă çÿрет, чустаран пĕçернĕ çемçе апат ассортименчĕпе пурте кăмăллă, тавар лайăх сутăнать, – терĕ вăл.
“Березка” ресторан коллективне малашне те ÿсĕмсем тума ăнăçу сунатпăр.