24 мая 2008 г.
Районта çул-йĕр çинчи çамрăк инспекторсен конкурсĕ иртрĕ. Командăсен кĕрешĕвĕнче Хĕрлĕ Чутай шкулĕнчи вĕренекенсем çул-йĕр правилисене чи лайăх пĕлекенсем пулчĕç. Вĕсемех республика шайĕнче район чысне хÿтĕлеме ирĕк çĕнсе илчĕç.
Пысăк конкурс майăн 15-16-мĕшĕсенче Шупашкар районĕнчи Вăрманкас ялĕнче иртнĕ. Ăмăртăва ОБЖ предмечĕн учителĕ Э.В.Романов ертсе пыракан ушкăн, йышра 5-мĕш класс ачисем – К.Ярайкин, Д.Мидейкин, А.Сятрайкина, К.Хохлова хутшăннă. Хĕрлĕчутайсем велосипедпа фигурăсем туса ярăнассипе тата тĕрлĕ чăрмавсем витĕр тухассипе ăсталăх кăтартса республикăра “Çул-йĕр правилисене пĕлекен” номинацире виççĕмĕш вырăна тивĕçнĕ. Команда зачетĕнче вара районти çамрăк инспекторсем 26 командăран тăваттăмĕш вырăна çĕнсе илнĕ.