24 мая 2008 г.
Районти тĕп агроном Н.Коробков пĕлтернĕ тăрăх, çурхи пĕрчĕллĕ тата пăрçа йышши культурăсене акас ĕç вĕçленнĕ. Палăртнă чухлех, 3 911 гектар тырă акса хăварнă. “Мочковашский” фермер хуçалăхĕпе “Асамат” ТЯО кăна çуртрисен планне пурнăçлайман.
Ял ĕçченĕсем умĕнче тăракан паянхи тепĕр çивĕч задача – çум курăксемпе кĕрешесси. Çак ĕçе чылай хуçалăхсенче пуçăннă. Акă, “Коминтерн” ЯХПК 650 гектар çине гербицид сапнă. “Асамат” ТЯО кăтартăвĕ 200 гектарпа, “Аккозинский” тата “Нива” хуçалăхсен 150-шар гектарпа танлашать.
Выльăх апачĕ хатĕрлеме тухиччен кĕрхи культурăсем акма çĕр хатĕрлесси çине тимлĕх уйăрмалла. Сăмах май, кĕр тыррине кăçал 7 пин гектара яхăн акмалла. Ял çынни аван пĕлет – ыраш тата кĕрхи тулă тухăçĕ пысăк пулать. “Коминтерн” ЯХПК ертÿçисем çакна шута илнĕ, паянхи кун тĕлне 90 гектар çĕр кăпкалатса хăварнă. Çак ĕçе “Свобода”, “Победа” хуçалăхсенче тата “Путь Ильича” акционерла обществăра та пуçăннă. Çавăн пекех маларах “Искра” колхоза кĕнĕ Хирлÿкасси уйĕнче 250 гектар ытларах сухаланă. Пĕтĕмĕшле илсен, районĕпе 500 гектар çĕр хатĕрленĕ.
“Мочковашский” фермер хуçалăхĕнче тăрăшакансем пахча çимĕç лартса çитĕнтересси çине тимлĕ пă¬хаççĕ. Ку таранччен 4 гектар кишĕр, 4 гектар хĕрлĕ кăшман лартнă.
Умри тĕллев – кĕрхи культурăсем пулмалли мĕн пур лаптăкăн 50-60 процентне сухаласа хăвармалла. Ыттине тыр-пул пухса кĕртнĕ май хатĕрлесе пымалла. Кашни ĕçе вăхăтра, лайăх пахалăхпа туса пырсан кăçал тухăçлă тыр-пул пухса кĕртме шанчăк пур.