31 мая 2008 г.
Кăçалхи майăн 26-мĕшĕнче ачасен “Шкул тусĕсен пĕрлĕхĕ” общество пĕрлешĕвĕн активисчĕсем республикăри “Регион 21” лагере пухăннă. Вăл “Росинка” физкультурăпа сывлăх центрĕнче вырнаçнă. Вĕренекенсем малта пыракансен, организаторла пуçарулăх кăтартакансен меслечĕсемпе программисен мастер-класĕн ĕçне хутшăннă.
Лагерьте пирĕн районтан “Шкул тусĕсен пĕрлĕхĕ” общество пĕрлешĕвĕн виçĕ лидерĕ пулнă. Надежда Аксакова, Галина Дементьева, Мария Дмитриева – Мăн Этменти вăтам шкулăн 7-мĕш класĕнче вĕренекенĕсем. Вĕсем шкул пурнăçĕнче активлăх кăтартаççĕ, вĕренÿре лайăх ĕлкĕрсе пыраççĕ.
Лагерьтен виççĕшĕ те паян таврăнаççĕ. Вĕсен тус-юлташĕсене каласа кăтартмалли сахал мар. Пĕтĕмĕшле илсен, пĕрле вĕренекенсене общество пĕрлешĕвĕн тата унăн активисчĕсен ĕçĕ-хĕлĕпе, çĕнĕлĕхĕсемпе паллаштарĕç.