04 июня 2008 г.
Иртнĕ кĕçнерни кун Наци музейĕнче ЧР Культура, национальноçсен ĕçĕсен, информаци политикин, архив ĕçĕн министерствин коллеги ларăвĕ иртрĕ.
Ларăва асăннă министерствăн министрĕ Роза Михайловна Лизакова йĕркелесе ертсе пычĕ. Ларăва хутшăнса кун йĕркипе килĕшÿллĕн пухăннисем умĕнче Атнар ял тăрăхĕн пуçлăхĕ А.Н.Кузнецов Атнарти Культура çуртне модернизацилеме хатĕрлесе çитернине ĕнентерсе доклад туса пачĕ. Çавăн пекех каласа хăвармалла, коллеги ларăвĕнче пирĕн районти Туканаш ялĕнче çуралса ÿснĕ, халĕ Шупашкарти Чăваш епархин тĕн вĕрентĕвĕн тата катехиз уйрăмĕн ертÿçи Владимир иерей (Захаров) ЧР Культура, национальноçсен ĕçĕсен, информаци политикин, архив ĕçĕн министерствин Тав çырăвне тивĕç пулчĕ.