Публикации » Выпускниксен пĕрлехи балĕ Хĕрлĕ Чутайра пулать

04 июня 2008 г.

Кăçалхи вĕренÿ çулĕ вĕçленчĕ темелле. Халĕ аслă классенчен вĕренсе тухакансемшĕн чи яваплă тапхăр – экзаменсем пыраççĕ. Хыççăн выпускниксене ăсату каçĕсем кĕтеççĕ. Ку çулта шкулпа сыв пуллашнине çĕнĕлле йĕркелеме палăртаççĕ – выпускниксен пĕрлехи балĕ Хĕрлĕ Чутайри Çĕнтерÿ лапамĕнче иртмелле. Савăнăçлă мероприяти июнĕн 18-мĕшĕнче пулать. Унта районти мĕн пур шкулпа сыв пуллашакансем тата вĕсен ашшĕ-амăшĕсем пухăнĕç. Рай он пуçлăхĕ А.И. Криков выпускниксене алла аттестат парса саламлĕ, пурнăçăн анлă çулĕпе çирĕппĕн утма ăнăçу сунĕ. Уявра хитре тумлă каччăсемпе хĕрсем бал ташшипе савăнĕç.