11 июня 2008 г.
Иртнĕ эрне кун Чăваш Ен Президенчĕ Николай Федоров июнь уйăхĕн 1-5-мĕшĕсенче Шупашкарта иртнĕ Халăхсен хушшинчи патриотлăх туйăмне аталантаракан «Атăл чиккинче» I кинофестивалĕн пĕ¬тĕ쬬летĕвĕсем тăрăх лару ирттернĕ.
Республика ертÿçи кинофорум президентне Олег Урюмцев режиссера, актера, сценариста тата Чăваш Ен пурнăçĕнче паллă пулăм пулса тăнă фестивале йĕркелеме хутшăннă çынсене тав тунă. Президент Чăваш Республикин Министрсен Кабинетне кĕске вăхăтра Халăхсен хушшинчи патриотлăх туйăмне аталантаракан «Атăл чиккинче» II кинофестивале хатĕрленмешкĕн пуçăнма хушнă. Кинематографистсен 2009 çулхи форумĕ бизнес тытăмĕсене, ют çĕршыв представителĕсене, уйрăмах Сербие, халех кăсăклантарать. Çакна та палăртмалла: Сербири кинематографи сахал мар çынна чапа кăларнă. Çак йышра тĕнчипе палăрнă режиссер, сценарист, актер, композитор тата музыкант Эмир Кустурица та пур.
Николай Федоров Шупашкарта пулнă фестиваль республикăра кино аталантарма хавхалантарнине палăртса хăварнă, Чăваш çĕрĕ çинче кун çути курнă паллă китаевед Иакинф Бичурин пурнăçĕ çинчен илемлĕ фильм ÿкерме сценари заявкин конкурсне ирттерме сĕннĕ. Çавна май кино ÿкерме Китай та пулăшма пултарассăн туйăнать. «Тĕпчевçĕн хăйне евĕрлĕ биографийĕ, вăл хутшăнакан Раççейри тата Китайри интереслĕ пулăмсем – хальхи куракана илĕртĕç», – тенĕ республика ертÿçи. Çавăнпа пĕрлех вăл Культура, национальноçсен ĕçĕсен, информаци политикин тата архив ĕçĕн министерствине тивĕçлĕ йышăнăва хатĕрлеме каланă. Чăваш Ен Президенчĕн шухăшне Олег Урюмцев ырланă.