Публикации » Дадюковсем – республикăра малта

11 июня 2008 г.

Хĕрлĕ Чутай салинче пурăнакан Дадюковсем – районти чи пултаруллă спорт çемйи. Ку енĕпе вĕсем чылай ÿсĕм тунă, ырă ят çĕнсе илнĕ. Ку кăна-и; Вячеслав Витальевичпа Алевтина Николаевна Дадюковсене тата вĕсен Эдуардпа Алеша ывăлĕсене республикăра та аван пĕлеççĕ. Вĕсем Чăваш Енре иртекен спорт çемйисен тупăшăвне час-часах хутшăнаççĕ, яланах малти вырăнсене çĕнсе илеççĕ. Акă, июнĕн 7-мĕшĕнче Дадюковсем йăлана кĕнĕ спорт çемйисен республикăри фестивальне хутшăнса ЧР Президенчĕн призне çĕнсе илессишĕн кĕрешнĕ. Вĕсем спортăн тĕрлĕ енĕпе тупăшса чи нумай очко пухма пултарнă – пĕрремĕш вырăн çĕнсе илнĕ. Республикăри чи пултаруллă спорт çемйи ЧР Президенчĕн чи пысăк парнине – тĕрлĕ тĕслĕ кăтартакан телевизора тивĕçнĕ.