02 июля 2008 г.
Май уйăхĕн вĕçĕнче Аслă Çĕнтерÿ тунăранпа 63 çул çитнине халалласа Элĕк районĕнче “Юрла, салтак, юрла!” фестиваль-конкурс иртрĕ. А.Столярова (райадминистраци ĕçченĕ), П.Васюкова (вăрçă участникĕ), И.Григорьев (шалти ĕçсен пайĕн сотрудникĕ, Чечен вăрçине хутшăннăскер) зонăри фестивальте çĕнтерсе гала-концерта хутшăнма ирĕк çĕнсе илчĕç. Июнĕн 27-мĕшĕнче пултарулăх ушкăнĕ Шупашкарта иртнĕ “Юрла, салтак, юрла!” конкурсăн пĕтĕмлетÿ концертне хутшăннă, унтан лауреат Дипломĕсемпе таврăннă.
Чăваш наци культурипе патриотизм тематикисене тарăннăн уçса панă хĕрÿ чун-чĕреллĕ артистсем пуррипе мухтанатпăр.