05 июля 2008 г.
Июнĕн 27-28-мĕшĕ¬сенче Чăваш ял хуçалăх наука-сăнав институтĕнче республикăн “Уй-хир кунĕ” иртнĕ. Унта пурĕ 61 фирма хăйсен техникине, ÿсен-тăрана хÿтĕлемелли хатĕрсем, минерал удобренийĕ т.ыт.те тăратнă, ял хуçалăхĕн çĕнĕ йышши 121 техникине кăтартнă. Пĕлтĕр çак форума 40 фирма хутшăннă.
Икĕ кунра куравра республикăра 253 ял хуçалăх организацийĕнчен 1100 çын пулма ĕлкĕрнĕ. Чăваш Ен ял хуçалăх предприятийĕсене 200 миллион тенкĕлĕх ытла ял хуçалăх техники сутма килĕшÿ тунă.
Июль уйăхĕн 3-7-мĕшĕсенче вара Белгород облаçĕнче Пĕтĕм Раççейри “Раççей уйĕн кунĕ” иртет. Унта хутшăнма Чăваш Республикин Ял хуçалăх министерствин делегацийĕ тухса кайнă. Йыша Михаил Игнатьев министр ертсе пырать.