05 июля 2008 г.
Ял çыннисен канăвне усăллă ирттерме, тавра курăмне, информаци шайне ÿстерме тĕслĕх клубсем йĕркелеме палăртнă. Ку енĕпе 2008-2010 çулсенче чылай ĕçсем туса ирттермелле. Чăваш Республикин Президенчĕн Указĕпе килĕ¬шÿллĕн районти культурăпа кану центрне те çĕнетсе юсама пуçăннă.
Хальхи вăхăтра кунта “Ядринагропромстрой” общество строителĕсем ĕçлеççĕ. Вĕсен виçĕ миллион ытла тенкĕлĕх ĕç тумалла. Кĕскен каласан, культурăпа кану çурчĕн тăррине çĕнĕрен витеççĕ, ун çийĕ металлочерепицăран пулать. Сăмах май, çак ĕçе пурнăçлама общество строительство организацийĕсем хушшинче иртнĕ аукционра çĕнсе илнĕ.
Культурăпа кану центрне модернизацилес ĕçре район укçи-тенкипе усă кураççĕ. Ăна йĕркене кĕртсе çитерсен республика кирлĕ оборудованипе, музыка аппаратурипе, костюмсемпе тата ыттипе те тивĕçтерĕ.