09 июля 2008 г.
Кăçалхи “Зарница”, “Орленок” çарпа спорт вăййисен республикăри финалĕ Сĕнтĕрвăрри районĕнче иртнĕ. Пысăк кĕрешĕве кăçал та Хĕрлĕ Чутай вăтам шкулĕн çамрăк армеецĕсем (ертÿçи Э.В.Романов) хутшăннă. Аса илтеретпĕр, иртнĕ çул район команди зарничниксен кĕрешĕвĕнче пĕрремĕш вырăн çĕнсе илнĕччĕ. Кăçал та хĕрлĕчутайсем тĕрлĕ енлĕ ăмăртса япăх мар кăтартусемпе палăрнă, номинацисенче кубоксене тивĕçнĕ. Вăйăсен пĕтĕмĕшле кăтартăвĕсем тăрăх, район команди тăваттăмĕш пулнă.
Çамрăк армеецсем финалти вăйăсене нумайлăха асра тытĕç.